Þú ert algjört rassgat!
Stundum berst tal að mjög merkilegum málhætti Íslendinga þegar eyjaskeggjar grípa til orða sem eiga að lýsa t.d. krúttlegum og/eða fallegum eiginleikum einhverja manneskju, til að mynda barns. Þá er sagt að barnið sé algjör rúsína (sólþurrkað vínber), rassgat (endaþarmsop) eða prumpulína (illa lyktandi snæri úr endaþarmi).
Maður spyr sig, gæti þetta verið því það er áhugaverður og skemmtilegur hrynjandi í þessum orðum? Að þetta hljómar krúttlegt þó það sé það ekki? Naflaló er til dæmis skemmtilegt orð, en er hægt að kalla einhvern naflaló útaf fríðleika viðkomandi? Ég meina, hver vill láta kalla sig sólþurrkaðan ávöxt eða endaþarmsop? Eða endaþarmsopnaflaló?
Við höfum þegar ansi góð og forkunnarfögur orð til að lýsa snoppufríðu og fallegu fólki. Þú ert með dýrðlegt andlit. Þessi manneskja er dásamleg. Mikið agalega er barnið þitt sætt. Og svona er nú hægt að halda áfram. Svo til hvers að kalla fólk rassgat eða rúsínu?
Ég krefst svara, strax!
Kreppan getur beðið!
(og ef þið lumið á fleiri viðlíka orðum, komiðmeðða)
Ásta Elínardóttir skrifaði:
En mér finnst rúsínurassgöt svo gasalega falleg!! Mitt fegurðarskyn er nú bara fyrir mig að eiga.
Kúkalabbi nota ég mikið líka.
Skrifað þann 12-Nov-08 klukkan 11:11 pm | Fastan hlekk
Alexandra skrifaði:
Var einhver að kalla þig algjört rassgat? Hmm Þórður?
Skrifað þann 13-Nov-08 klukkan 3:51 am | Fastan hlekk
Þórður Ingvarsson skrifaði:
Nei minn krúttlegi kúkalabbi. Þetta var samtal sem þróaðist í þessar afar djúpar vangaveltur sem ég varð að koma á framfæri til þjóðarinnar!
Skrifað þann 13-Nov-08 klukkan 2:18 pm | Fastan hlekk
Einar Steinn skrifaði:
“Kláðagimbill” þykir mér skemmtilegt orð, sem vel mætti rata inn í þessa hefð, litli kláðagimbillinn minn.
Skrifað þann 03-Dec-08 klukkan 3:19 am | Fastan hlekk
BlogDodd / Kláðagimbill og kúkalabbi skrifaði:
[...] um hvað, að undanskildu rassgat og rúsína, fólk notar til að lýsa yfir krúttleika kom Einar Steinn og Ásta E. með orð sem saman gæti verið nafn á næstu metsölubarnabókaseríu sem gæti þessvegna [...]
Skrifað þann 03-Dec-08 klukkan 12:31 pm | Fastan hlekk