æBlogDodd

Ég get ekki af þessu gert. En mér finnst Þórhallur Heimisson vera alveg gríðarlegur kjáni. Sérstaklega þegar kemur að hinni vandmeðfarni list að færa fram einhverskonar rök. Ég gerði þá skissu að lesa þessi samskipti milli hans og Vésteins og fékk svo mikinn kjánahroll að það hristi verulega upp í iðrum mínum og ég fékk niðurgang af heimsku.

Þórhallur er nefnilega búinn að semja alveg merkilega leiðinlega gátu, sjáið nú til. Og hún er svona:

Hvað kallar þú hóp af mönnum sem hæðast (ekki spaugara - heldur menn sem HÆÐAST) að trú annarra?

Svarið er ekki: Monty Python, spaugarar, grínarar, sprelligosar, flipparar, skröltormur eða menn sem sjá eitthvað spaugilegt við trú. Þórhallur vill auðvitað að svarið sé “Níðingar” því hann er eitthvað svo  - ég bara get ómögulega fundið annað betra orð sem lýsir þessari einkennilegri hegðun, svo ég verð bara að segja það - heimskur.

En svarið er auðvitað Fóstbræður.

Ég meina, hvað kallar þú mann sem spyr í sífellu sömu spurninguna en er alltaf óhress með svarið því það stangast á við einhverja furðuleg mótaða heimsmynd sem viðkomandi hefur?

Prestur, mundu kannski sumir segja.

Þverhaus er þó eina rétta svarið.